خه‌تای کێ بووه‌؟ سانیۆل نهێنی (که‌للـه‌که‌ی زێدان) و کارته‌ سوره‌که‌ی فاینه‌ڵی ٢٠٠٦ ئاشکرا ده‌کات

خه‌تای کێ بووه‌؟ سانیۆل نهێنی (که‌للـه‌که‌ی زێدان) و کارته‌ سوره‌که‌ی فاینه‌ڵی ٢٠٠٦ ئاشکرا ده‌کات

خه‌تای کێ بووه‌؟ سانیۆل نهێنی (که‌للـه‌که‌ی زێدان) و کارته‌ سوره‌که‌ی فاینه‌ڵی ٢٠٠٦ ئاشکرا ده‌کات

خه‌ڵک
ویلی سانیۆل ئه‌ستێره‌ی پێشوی هه‌ڵبژارده‌ی فه‌ره‌نسا به‌مێژوودا ڕۆده‌چێته‌وه‌ و ڕه‌خنه‌ی توند ئاڕاسته‌ی سیلڤیان ویڵتۆردی هاونیشتیمانی ده‌کات، به‌هۆکاری کارته‌ سوره‌که‌ی زێدانیش له‌قه‌ڵه‌می ده‌دات.
له‌چاوپێکه‌وتنێکدا سانیۆل به‌ "لی ڤاستیاری" "سێر سپۆرت ١"ی ڕاگه‌یاندووه‌ :" کاتێک ڕووداوه‌که‌ی نێوان زینه‌دین زێدان و ماتیرازی ڕوویدا ئێمه‌ کۆنترۆڵی یاریگامان کردبوو، له‌وکاته‌دا ماکیلیلی تۆپێکی ئاڕاسته‌ی سیلڤیان ویڵتۆردی هێرشبه‌ری هه‌ڵبژارده‌که‌مان کرد و ناوبژیوانان چاویان له‌سه‌ر تۆپه‌که‌ بوو، من ئاگاداربوم له‌گه‌ڵ هێرشه‌که‌دا ناوبژیوانان ڕێیان ده‌کرد و ئاگاداری به‌ریه‌ککه‌وتنی نێوان دوو یاریزانه‌که‌ نه‌بوون که‌ ده‌که‌وته‌ پشتیانه‌وه‌، به‌ڵام ویڵتۆرد له‌بری ئه‌وه‌ی هێرشه‌که‌ ته‌واو بکات و کێشه‌که‌ بپۆشێت تۆپی وه‌ستاند و به‌ ده‌سته‌کانی ئاماژه‌ی بۆ ڕووداوه‌که‌ کرد، لێره‌وه‌ هۆراسیۆ ئیلیزۆندۆی ناوبژیوان یارییه‌که‌ی ڕاگرت و گه‌ڕایه‌وه‌ به‌ره‌ودواوه‌، وه‌ک ئاگادارن کاتێک بینی ماتیرازی که‌وتووه‌ به‌زه‌ویدا ڕاسته‌وخۆ کارتی سوری به‌ڕووی زێدانی هاوڕێمان ده‌رهێنا!".


پاشان ده‌ڵێت :" من نازانم هۆکاری ده‌مه‌قاڵێی نێوان دوو یاریزانه‌که‌ چی بوو، وه‌ک ده‌گێڕنه‌وه‌ ماتیرازی وته‌ی ناشرینی ئاڕاسته‌ی دایکی زیزیۆ کردووه‌، به‌ڵام ئه‌وه‌ من دڵنیام لێی ئه‌وه‌یه،‌ ئه‌گه‌ر ویڵتۆرد یارییه‌که‌ی ڕانه‌گرتایه‌ هه‌رگیز زێدان کارتی سوری وه‌رنه‌ده‌گرت و ئه‌نجامه‌که‌ش به‌وشێوه‌یه‌ نه‌ده‌بوو".
له‌ یاریی کۆتایی مۆندیالی ٢٠٠٦ زینه‌دین زێدان له‌به‌ریه‌ککه‌وتنێکدا که‌لله‌یه‌کی ئاڕاسته‌ی سنگی ماتیرازی کرد و به‌وهۆیه‌وه‌ به‌کارتی سور کرایه‌ ده‌ره‌وه‌، ئه‌م ڕووداوه‌ به‌ "که‌لله‌که‌ی زێدان" به‌ناوبانگه‌ و هه‌ر له‌و یارییه‌شدا به‌لێدانی یه‌کلاکه‌ره‌وه‌ فه‌ره‌نسا شکستی هێنا و ئیتاڵیا بووه‌ پاڵه‌وانی مۆندیال.


پێش 1 هەفتە
2615 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved