ویلایەتی و مالكی "سەفەربەلك"ی عێراقییەكان


ویلایەتی و مالكی
03/11/2016
353 جار بینراوە‌‌

رەشید خیون

 

وەرگێڕانی/ ئەحمەد عەبدوڵا

لە رۆژانی (22-24 تشرینی دووەمی 2016) كۆنگرەی (كۆبونەوەی رابونی ئیسلامی) لە بەغداد بەسترا، كە نۆهەمین  كۆنگرە بوو، كە ئەستێرەی كۆنگرەكە عەلی ئەكبەر ویلایەتی، راوێژكاری ویلایەتی فەقهی بوو، سەرەتا و كۆتاییەكەیشی قسەكانی مالكی بوو، كە باسی خێر و بێرەكانی رابونی ئیسلامی كرد، كە بەرهەمەكەی شۆڕشی ئیسلامی ئێران بوو، بەڵام ویلایەتی تەنها باسی ناڕێكی ئیسلام و موسڵمانانی كرد.

بەشداری مالكی لە كۆنگرەكەدا بە سیفاتی ئەمینداری گشتی حزبی دەعووە بوو، لەكاتێكدا بەشداری سەلیم جبوری، سەرۆكی پەرلەمان وەك نوێنەری حزبی ئیسلامی و ئیخوان بەشدار بوو. ئەم كۆبونەوەیە تائێستا هەشت كۆنگرەی بەستووە و بارەگا سەرەكییەكەی لە ئێرانە. گوێبیستی گلەی ئەوەیش بووین، كە بۆچی موسڵمانان كۆبونەوە و كۆمەڵە و گروپی جیاوازی رابونی ئیسلامیان هەیە، بەشێوەیەك هەر بزوتنەوەیەكی ئیسلامی خاوەنی هێزێكی رابونییە.

لە قسەكانیدا مالكی باسی ئەوەی كرد، كە هێزەكانیان هەڵمەتێكی سەربازییان بۆ كۆنترۆڵكردنەوە نەینەوا دەست پێكردووە و لە ژێر ناونیشانی "پێشڕەوی بەرەو نەینەوا"، هەروەها بەردەوامی بەرەو حەلەب و یەمەن و هەر شوێنێكی تر كە بیانەوێت دەنگی موسڵمانانی تێدا كلپ بكرێت، رابونی ئیسلامی دەیكات و یارمەتی دەدات.

لە جیهاندا شتی وانەبینراوە، كە ئاراستەی سیاسی دەوڵەت بدرێتە دەستی خەڵكانی هەرزەكار، كە بەرژەوەندی خەڵكی تر بخاتە پێش قازانجی میللەتەكەیەوە، كە مالكی و هاوتانی گەنجانی عێراقی بۆ بانگهێشت دەكەن و رووبەڕووی سەفەر بەلكێكی تریان دەكەنەوە، كە لە دوای 2003 ەوە بە لە عێراقدا بەرجەستەكرا.

ئەوەی ئێستا لە عێراقدا خەڵكی بۆ تەیار دەكرێت، تەنها خزمەتی كردنی ویلایەتی فەقهی و دۆستایەتی ئێرانە، بەبێ‌ لەبەرچاوگرتنی بەرژەوەندی وڵات، كە جگە لە دووبارەبونەوەی تەواوی سەفەربەلك هیچی دیكەی لێ چاوەڕوان ناكرێت.

لەرۆژنامەی (الاتحاد)ی ئیماراتیەوە وەرگیراوە.

زۆرترین خوێندراو

Developed by Avesta Group and powered by Microsoft Azure

Copyright © 2016 Xelk. all rights reserved