24 ملیۆن دەنگدەر بەشداری هەڵبژاردنەكانی عێراق دەكەن<br > كۆمسیۆن وردەكاری ئامادەكارییەكانی هەڵبژاردنی رایگەیاند

24 ملیۆن دەنگدەر بەشداری هەڵبژاردنەكانی عێراق دەكەن
كۆمسیۆن وردەكاری ئامادەكارییەكانی هەڵبژاردنی رایگەیاند

24 ملیۆن دەنگدەر بەشداری هەڵبژاردنەكانی عێراق دەكەن<br > كۆمسیۆن وردەكاری ئامادەكارییەكانی هەڵبژاردنی رایگەیاند


خەڵك-بەشی هەواڵ

جێگری سەرۆكی كۆمسیۆنی باڵای سەربەخۆی هەڵبژادنەكانی عێراق ئاشكرایدەكات، وەك كۆمسیۆن ئامادەكارییەكانمان بۆ هەڵبژاردنەكانی داهاتووی عێراق دەستپێكردووەو دوێنێ  دوا وادەی تۆماركردنی هاوپەیمانێتییەكانە بۆ هەڵبژاردنی ئەنجوومەنی نوێنەران، تا ئێستاش 205 قەوارەی سیاسی ناوی خۆی تۆماركردووە بۆ بەشداریكردن لە هەڵبژاردن.

رزگار حەمە محێدین جێگری سەرۆكی كۆمسیۆنی باڵای سەربەخۆی هەڵبژادنەكانی عێراق بە ئانادۆڵی راگەیاند، لە رووی هونەری‌و كارگێڕییەوە هەموو ئامادەكارییەكانمان كردووەو هەڵبژاردنەكە لە رۆژی 12ی ئایاری داهاتوو بۆ ئەنجوومەنی نوێنەران‌و ئەنجوومەنی پارێزگاكان بەڕێوەدەچێت.

وتیشی، یەكەمین جارە بۆ هەڵبژاردنەكان ئامێری ئەلیكترۆنی بۆ دەنگدانەكان بەكاردەهێنین كە هەڵبژاردنێكی ئەلیكترۆنی دەبێت‌و دەنگدەر دەتوانێت دڵنیا بێت لەوەی دەنگەكەی دەستكاری ناكرێت، بۆیە هەڵبژاردنی ئەمجارە هەڵبژاردنێكی پاك‌و بێگەرد دەبێت.

ئاماژەی بۆ ئەوەش كرد، لە هەڵبژاردنەكانی داهاتوودا، 24 ملیۆن دەنگدەر لە عێراقدا مافی بەشداریكردنی دەنگدانی هەیە، لەو ژمارەیەش نزیكەی سێ‌ ملیۆن و 700 كەسیان یەكەمجارە بەشداری دەنگدان دەكەن.

جێگری سەرۆكی كۆمسیۆنی باڵای سەربەخۆی هەڵبژادنەكانی عێراق باسی لەوەش كرد، ئامادەكاری تەواویان كردووە بۆ ئەوەی پڕۆسەكە لە تەواوی ناوچە جیاجیاكانی عێراقدا بەڕێوە بچێت، بۆ ئاوارەكانیش كە لە هەرێمی كوردستانن ناوەندی دەنگدان و رێوشوێنی تایبەتیان بۆ دابین دەكەن تا مافی دەنگدانیان لەدەست نەچێت.

بەپێی زانیارییەكان هەڵبژاردنەكانی عێراق بە 31 هاوپەیمانێتی و چەندین قەوارەی جیاوازەوە دەچنە نێو هەڵبژاردنەكانەوە.

ئەنجوومەنی وەزیرانی عێراق، رۆژی 12ی ئایاری 2018ی وەك وادەی بەڕێوەچوونی هەڵبژاردنەكانی ئەنجوومەنی نوێنەران و ئەنجوومەنی پارێزگاكانی عێراق لەو رۆژەدا دەستنیشانكردووە، ئەوەش لەكاتێكدایە وەك جێگری سەرۆكی كۆمسیۆنی هەڵبژاردنەكان ئاماژەی پێكرد، تا ئێستا چاوەڕوانی هەمواركردنەوەی هەردوو یاسای هەڵبژاردنەكانی ئەنجوومەنی نوێنەران و ئەنجوومەنی پارێزگاكان دەكەن كە رەوانەی پەرلەمانی عێراق كراوە بۆ گفتوگۆكردن لەسەر ئەو یاسایانە و پەسەندكردنیان.

س.ع

7 رۆژ پێش ئێستا
152 جار بینراوە‌‌



Developed by Avesta Group and powered by Microsoft Azure

Copyright © 2016 Xelk. all rights reserved