ئەمڕۆ موچەی بەشێك لە پێشمەرگە دابەش دەكرێت

ئەمڕۆ موچەی بەشێك لە پێشمەرگە دابەش دەكرێت

ئەمڕۆ موچەی بەشێك لە پێشمەرگە دابەش دەكرێت

 

خەڵك- بەشی هەواڵ

ماوەی 86 رۆژە بەشێكی هێزی پێشمەرگە موچەی وەرنەگرتووە و بەشێك لە موچەكانیشیان كەمكراوەتەوە، بەپێی زانیارییەكانیش ئەمڕۆ پێنج شەممە موچەی بەشێك لە پێشمەرگە دابەش دەكرێت و بەشێكی دیكەیشیان دەكەوێتە هەفتەی داهاتوو.

سەرچاوەیەك لە یەكەی 70ی پێشمەرگەی یەكێتی بە (خەڵك)ی راگەیاند، ئەمڕۆ موچەی هێزی ژنان، مەشق و چەند یەكەیەكی دیكە دابەش دەكرێت و بەشێكی هێزەكانی دیكەیش دەكەوێتە هەفتەی داهاتوو.

سەرچاوەكە، كە نەیوست ناوی ئاشكرابكرێت رونیكردەوە، كە موچەی بەشێك لە لیوا یەكگرتووەكانیش پارەی پێویستیان لەبەردەستدا نییە و هەفتەی داهاتوو دابەش دەكرێت.

شیلان جەعفەر، سەرۆكی لیژنەی پێشمەرگە و شەهیدان و جینۆساید بە (خەڵك)ی راگەیاند، پارەی پێویست بۆ موچەی پێشمەرگە لەبەردەستدا نییە، چونكە ئەمریكا پارەی هاوكارییەكەی راگرتووە.

هەر لە قسەكانیدا ناوبراو ئەوەیشی ئاشكراكرد، كە حكومەتی هەرێم هەوڵدەدات موچەی پێشمەرگە دابین بكات و لەگەڵ ئەمریكا، فەرەنسا و ئیتالیا قسەی كردووە بۆ دابین كردنی موچەی پێشمەرگە.

یەكەی 70ی پێشمەرگە سەر بە یەكێتی نیشتیمانی كوردستانە و یەكەی 80یش سەر بە پارتی دیموكراتی كوردستانە و لەلایەن وەزارەتی داراییەوە موچەیان بۆ دابین دەكرێت.

پێش 1 هەفتە
611 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved