میوە فرۆشی سەر شەقامەكان لادەبرێن

میوە فرۆشی سەر شەقامەكان لادەبرێن

میوە فرۆشی سەر شەقامەكان لادەبرێن


خەڵك- ئارام سەردار
لەشاری هەولێر لەلایەن قائیمقامیەتی شارەكەوە بەهاوكاری پۆلیسی شارەوانی هەڵمەتێكی بۆ لابردنی زیادەڕۆیی و میوەفرۆشانی سەرشەقامەكان دەستی پێكرد، قائیمقامی شارەكەش ڕایدەگەیەنێت، هەركەسێك ئەو سەرپێچیە دوبارە بكاتەوە ئەوا لەیەك ملیۆن تاوەكو پێنچ ملیۆن دینار سزا دەدرێ‌.

نەبەز عەبدولحەمید، قائیمقامی هەولێر بەوەكالەت بە ڕۆژنامەنوسانی ڕاگەیاند، ماوەیەكی زۆرە دیارەدەیەكی ناشارستانی لەشەقامە سەرەكیەكانی هەولێر بەرچاو دەكەوێ‌ بەتایبەت زیادەرۆیی كردن لەلایەن میوەفرۆشانەوە، بۆیە هەڵمەتێكیان دژی ئەو زیادەرۆییە دەست پێكردوە.

وتیشی، "هەڵمەتەكەمان سەرجەم شەقامە سەرەكیەكان لەتەواوی سنوری شارەوانی هەولێر دەگرێتەوە و زیادەرۆییەكان لادەبرێن و هەركەسێكیش دوبارەی بكاتەوە ئەوا لەیەك ملیۆن تاوەكو پێنچ ملیۆن دینار سزا دەدرێ‌".

 ئەوەشی خستەڕوو، لەهەر شوێنێك پارچەیەك زەوی تەرخان دەكرێ‌ بۆ میوەفرۆشەكان و لەوێدا كۆدەكرێنەوە بۆ ئەوەی بژێوی خۆیان دابین بكەن.

پێش 2 هەفتە
380 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved