دەستەی سەربەخۆی مافی مرۆڤ لەسەر ڕێگری لە پەرلەمانتاران پەیامێكی بڵاوكردەوە

دەستەی سەربەخۆی مافی مرۆڤ لەسەر ڕێگری لە پەرلەمانتاران پەیامێكی بڵاوكردەوە

دەستەی سەربەخۆی مافی مرۆڤ لەسەر ڕێگری لە پەرلەمانتاران پەیامێكی بڵاوكردەوە


هەولێر- ئارام سەردار
سەبارەت بە هەواڵی ڕێگری كردن لەهەردوو پەرلەمانتاری هەرێمی كوردستان سۆران عومەر و عەلی حەمەصاڵح بۆ شاری هەولێر لەبازگەی پردێ دەستەی سەربەخۆی مافی مرۆڤ پەیامێكی ڕۆژنامەوانی بڵاوكردەوە.

دەستەی سەربەخۆی مافی مرۆڤ لە پەیامەكەیدا، كە وێنەیەكی بۆ (خەڵك) نێردراوە، ئاماژە بەوەدەكات، ڕێگری كردن لە هه ر كەسێك دەچێتە خانەی‌ پێشێلكاری مافەكانی مرۆڤ و ئازادی هاتوچۆی، كە یەكێكە لەمافە بنەڕەتیەكانی مرۆڤەكان و لەجاڕنامەی جیهانی مافەكانی مرۆڤ هاتوە، كە مرۆڤەكان ئازادن لە هاتوچۆ و دەست نیشان كردنی شوێنی حەوانەوە .

ڕاشیگەیاندووە،‌ ئێمە لەدەستەی سەربەخۆی مافی مرۆڤ وێڕای ئەوەی نیگەرانی خۆمان دەردەبڕین بەرامبەر ئەو كاره،  كە لەشەوی چوار شەمە10/1/2017 ئەنجامدراوە، پێویستە ئەندامی پەرلەمان ڕێزی لێ بگیرێت، كە نوێنەری خەڵكە و خاوەنی پارێزبەندی یاساییە و ناكرێ بەو شێوە ڕێگرێ لێ بكرێ.

 لەكۆتایی پەیامەكەش هاتوە, ئەگەر ئەوان و هەر هاوڵاتیەكی هەرێمی كوردستان هەر هۆكارێك هەیە بۆ وەرگرتنی ڕێكاری یاسایی بەرامبەریان ئەوە پێویستە لەڕێگەی دادگاوە مامەڵەی لەگەڵ بكرێت و ڕێز لەیاسا سەروەری بگیرێت.

5 رۆژ پێش ئێستا
214 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved