خەڵك؛ پێشنیارەكانی دواخستنی خوێندن ئاشكرادەكات<br>خشتەی تاقیكردنەوەكانی خوێندكاران لە سلێمانی ڕاگەیەنرا

خەڵك؛ پێشنیارەكانی دواخستنی خوێندن ئاشكرادەكات
خشتەی تاقیكردنەوەكانی خوێندكاران لە سلێمانی ڕاگەیەنرا

خەڵك؛ پێشنیارەكانی دواخستنی خوێندن ئاشكرادەكات<br>خشتەی تاقیكردنەوەكانی خوێندكاران لە سلێمانی ڕاگەیەنرا

خەڵك – بەشی هەواڵ
تاقیكردنەوەكانی وەرزی یەكەم لەسەر ئاستی پارێزگای سلێمانی دیاریكرا و یەكەم ڕۆژی تاقیكردنەوەی وەرزی یەكەم لە ڕۆژی 9ی ئازار دەستپێدەكات و 19ی مانگ كۆتایی دێت، پێشنیاریش كراوە تاقیكردنەوەكانی پۆلی 9ی بنەرەتی لەسەر ئاستی پارێزگاكان دابنرێت و بۆ ئەزمونە گشتیەكانیش مانگێك دوابخرێت.

ئەمڕۆ چوار شەممە 11/1/2017 بەڕێوەبەرایەتی گشتی پەروەردەی سلێمانی، لەگەڵ سەرجەم بەڕیوەبەرەكانی پەروەردەكانی سنوری سلێمانی بۆ دانانی ساڵنامەی خوێندنی 2016-2017 كۆبونەوە و ژماریەك پێشنیار كراوە و بۆ وەزارەتی پەروەردە بەرز دەكرێتەوە.

(خەڵك) زانیویەتی، كە لە كۆبوونەوەكەی ئەمڕۆی پەروەردەی گشتی سلێمانی لەگەڵ سەرپەرشتیار و بەڕیوەبەری پەروەدەكان بڕیاردراوە یەكەم ڕۆژی تاقیكردنەوەكانی وەرزی یەكەم لە ڕۆژی پێنج شەممە 9/3/2017 دەست پێدەكات و ڕۆژی 19/3/2017 كۆتایی پێدەهێنرێت.

بەپێی زانیارییەكان، بۆ پشووەكانی نەورۆز و بەهار تەنها 5 ڕۆژ دیاری كراوە، كە لە ڕۆژی 20/3/2017 دەستپێدەكات و ڕۆژی 25/3/2017 یەكەم ڕۆژی دەستپێكی وەرزی دووەم دەبێت.

هەر بە پێی زانیاریەكانی (خەڵك) كە لەسەرچاوەیەكی تایبەتیەوە پێی دراوە، ڕۆژی تاقیكردنەوەكانی وەرزی دووەمی ئەمساڵ ڕۆژێك دوای یادی كرێكاران دەست پێدەكات و لە ڕۆژی 2/5/2017 تا 31/5/2017 بەردەوام دەبێت.

لە كۆبونەوەكەی ئەمڕۆی پەروەردەكانی سنوری سلێمانی ژمارەیەك پێشنیار كراوە و بڕیارە پێشنیارەكان بۆ پەسەند كردن ئاڕاستەی وەزارەتی پەروەردە بكرێن، لەوانە پێشنیاركراوە تاقیكردنەوەی ئەزمونە گشتیەكان بۆ ماوەی یەك مانگ دوابخرێت، هەروەها تاقیكردنەوەكانی پۆلی 9ی بنەڕەتی لە سەر ئاستی پارێزگاكان دابنرێت.

 یەكێكی دیكە لە پێشنیارەكان، كە ئاڕاستەی پەروەردە دەكرێت بۆ پەسەند كردن، هەڵپەساردنی هەندێك بەش و بەندە لە نێو پڕۆگرامی خوێندنی ئەمساڵ.


چ.چ

11/01/2017
3513 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved