نیەتی پارتی باش نییە <BR>گۆڕان وەڵامی رێگرییەكانی پارتی لە چوونی پەرلەمانتاران بۆ هەولێر دەداتەوە

نیەتی پارتی باش نییە
گۆڕان وەڵامی رێگرییەكانی پارتی لە چوونی پەرلەمانتاران بۆ هەولێر دەداتەوە

نیەتی پارتی باش نییە <BR>گۆڕان وەڵامی رێگرییەكانی پارتی لە چوونی پەرلەمانتاران بۆ هەولێر دەداتەوە


خەڵك- بەشی هەواڵ

 شه‌وى ڕابردوو له‌ بازگه‌ى پردێ ڕێگرى كرد دوو په‌رله‌مانتارى كۆمه‌ڵ و گۆڕان بچنه‌ شارى هه‌ولێر، پەرلەمانتارێكی فراكسیۆنی گۆڕان لە پەرلەمانی كوردستان دەڵێت، پارتی لە دوای ساڵ و نیوێك لە پەكخستنی پەرلەمان هێشتا بە سیاسەتەكانی خۆیدا نەچووەتەوە، پەرلەمانتار پارێزبەندی هەیە و نابێت ڕابگیرێت.

بەهار مەحمود، ئەندامی پەرلەمانی پەكخراوی كوردستان لە فراكسیۆنی گۆڕان، بە (خەڵك)ی ڕاگەیاند، پارتی كاتێك ڕێگری كرد لە سەرۆكی پەرلەمان بچێتە هەولێر، وتی لە نێوان خراپ و خراپترین، خراپمان هەڵبژاردووە، ئێستاش هەمان كاری دووبارە كردەوە، دیارە لە دوای ساڵ و نیوێك لە پەكخستنی پەرلەمان هێشتا بە سیاسەتەكانی خۆیان نەچوونەتەوە.

ئاماژەی بەوەش كرد، پەرلەمانتار پارێزبەندی هەیە و ناكرێت لە بازگەكان ڕابگیرێت، بەڵام ڕاگرتنی پەرلەمانتار ئیهانەكردنە، لە كاتێكدا ئەو پەرلەمانتارە داوای پێناسی لێ كراوە.

وتیشی: "تا ئێستا پارتی بە سیاسەتە هەڵەكانی خۆیدا نەچووەتەوە و سوورە لە سەر ئەوەی هەر كەس بە دڵی ئەو نەجوڵێتەوە بەو جۆرە مامەڵەی لەگەڵ دەكات، هیچ حسابێك بۆ دامەزراوە فەڕمییەكان و پۆستە فەڕمییەكانی سەرۆكی پەرلەمان و پەرلەمانتارەكان ناكات".

ڕاشیگەیاند، لە دوای ئەو ڕووداوەی شەوی ڕابردوو، ئەوە دەردەكەوێت پارتی نیەتی جدی نییە بۆ ڕێككەوتن لەگەڵ لایەنەكان، ئەگەر نیەتی باش بووایە، ئێستا كاتی ئەوەنییە كە بەو شێوەیە مامەڵە لەگەڵ پەرلەمانتاری حزبەكان بكات كە ئەو دەیەوێت دانوستانیان لەگەڵ بكات.

5 رۆژ پێش ئێستا
198 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved