هەڕەشەی كوشتنیان لێكردووە<br>فەرهاد پیرباڵ ؛میز؛ی بە شوێنێكی دیكەدا كرد

هەڕەشەی كوشتنیان لێكردووە
فەرهاد پیرباڵ ؛میز؛ی بە شوێنێكی دیكەدا كرد

هەڕەشەی كوشتنیان لێكردووە<br>فەرهاد پیرباڵ ؛میز؛ی بە شوێنێكی دیكەدا كرد


خەڵك ـ فەرهەنگ فەرەیدون
فەرهاد پیرباڵ، نوسەر و ماموستای زانكۆ ڕایدەگەیەنێت، سەرلەبەیانی ئەمڕۆ میزی كردووە بەماڵی نوسەری كورد "خەسرەو جاف"دا و پاسەوانێكی ناوبراویش هەڕەشەی كوشتنی لێكردووە.

فەرهاد پیرباڵ، نوسەر و ماموستای زانكۆ بە (خەڵك)ی ڕاگەیاند، ئەمڕۆ ڕۆژی لەدایك بوونی ژنی خەسرەو جاف بوو، منیش چەپكێك گوڵم برد و چوم بۆ ماڵی خەسرەو جاف، لەدەرەوەی ماڵەكە یەكێك لە پاسەوانەكانی ڕەتیكردەوە، كە بهێڵێت من بچمە ژورەوە بە بیانووی ئەوەی خەسرەو جاف لەوێ‌ نییە، منیش داوامكرد گوڵەكە بەرێت بۆ خێزانەكەی ئەو كارەشی نەكرد.

وتیشی، "منیش توڕەبووم و میزم كرد بە هەردوو پەیكەری بەردەم ماڵەكەی و ئەو ئۆتۆمبێلانەی، كە لەدەرەوەی ماڵەكەی وەستابوون، پاشان ڕۆشتم بۆ ماڵی خوشكەكەم لە گەڕەكی ڕوناكی".

پاسەوانەكانی خەسرەو جاف، كە ژمارەیان دوو كەس بوو هاتن بۆ لای ماڵی خوشكەكەم و یەكێكیان دەمانچەی لێدەرهێنام و وتی "دەتكوژم و 16 فیشەك دەنێم بەدەمتەوە" ژمارەیەك هاوڵاتی لەو ناوە بوون و بەڤیدیۆ تۆماری ئەو قسانەیان كرد، منیش لەپاشان چووم بە تۆمەتی هەڕەشەی كوشتن سكاڵام لەو پاسەوانەی خەسرەو جاف لە بنكەیەكی پۆلیسی عەنكاوە تۆماركرد.

لەو بارەیەوە هۆگر  عەزیز، وتەبێژی پۆلیسی هەولێر ڕایگەیاند، لە عەنكاوە دوو بنكەی پۆلیس هەیە و فەرهاد پیرباڵ، لە هیچ كامیان سكاڵای تۆمار نەكردووە.

09/01/2017
43200 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved