بەوێنە..پانۆڕامای ژیانی ئایەتوڵڵا ئەكبەر هاشمی رەفسەنجانی

بەوێنە..پانۆڕامای ژیانی ئایەتوڵڵا ئەكبەر هاشمی رەفسەنجانی

بەوێنە..پانۆڕامای ژیانی ئایەتوڵڵا ئەكبەر هاشمی رەفسەنجانی

خەڵك-سەعد مەلا عەبدوڵڵا گوڵپی

ئایەتوڵڵا رەفسەنجانی لەتەمەنی 82 ساڵی دوای ئەوەی گەیەندرایە نەخۆشخانە بەهۆی جەڵدەی دڵەوە كۆچی دوایی كرد.

ئەكبەر هاشمی رەفسەنجانی لە ساڵی 1935 لە گوندی بەرهەمانی ناوچەی رەفسەنجانی لە خێزانێكی نیمچە دەوڵەمەند لەدایك بووەو یەكێكە لە نۆ كوڕەكەی میرزا ئەمیر عەلی هاشمی بەرهەمانی بووە‌و لە ماوەی دەسەڵاتی شادا لە ئێران بۆ چەند جارێك زیندانی كراوە، بۆ ماوەی دوو خول لە نێوان ساڵانی 1989 تا 1998سەرۆكی كۆماری ئیسلامی ئێران بووە.

هاشمی لە تەمەنی 14 ساڵیدا رۆیشتووەتە پارێزگای قوم‌و لەوێ دەستی كردووە بە خوێندنی وانەی ئایینی گەیشتووەتە پلەی موجتەهیدو لە ریزبەندی زانا پایەبەرزەكانی ئێراندا بووە‌و یەكێك بووە لە خوێندكارەكانی ئیمام خومەینی.

ناوبراو لەژێر كاریگەری ئیمام خومەینی توانیویەتی یەكێك بێت لەو كەسانەی كودەتای كرد بەسەر محەمەد رەزا شای پەهلەوی‌و هەر بەو بۆنەیەوە هاشمی بووە نوێنەری ئیمام خومەینی لەنێو وڵاتی ئێران لەكاتی شۆڕشی ئیسلامی ئێران و توانایەكی گەورەی بەخشییە وڵاتی ئێران لەو كاتەدا.
هاشمی لە ساڵی 1959 هاوسەرگیری لەگەڵ بنەماڵەی ئایینی سەید محەمەد كازم تەباتەبایی كرد‌و 5 منداڵی هەیە.

دوو كچی هاشمی‌و دوو كوڕی ئایەتوڵڵا لاهوتی وتارخوێنی پێشووی مزگەوتی رەشت، ئێستا لە زینداندان.

ئایەتوڵڵا هاشمی پێش ئەوەی وەك كەسایەتییەكی ئایینی‌و زانستی دەربكەوێت وەك كەسایەتییەكی سیاسی دەركەوتووە‌و بەهۆی ئەو چالاكییە سیاسییە بەردەوامانەی هەیبوو لە پێش و لە دوای شۆڕشی ئێران‌و بە گەڕانەوەشی بۆ رابردوو توانیویەتی كەسایەتییەكی دیارو سیاسی بۆ خۆی تۆمار بكات.

لە 1961ەوە وەك قوتابییەكی ئیمام خومەینی دامەزرێنەری كۆماری ئیسلامی ئێران دەستیكردووە بە چالاكی سیاسی‌و لە لایەن دەزگای هەواڵگری شا، ناسراو بە ساواك 7 جارو بۆ ماوەی 4 ساڵ‌و 5 مانگ دەستگیركراوەو لە زینداندا بووە.

هاشمی چالاكییە سیاسییەكانی خۆی لە ساڵی 1962 دەست پێكردو لە دەورانی پێش شۆڕشی ئێران زۆر لە ئیمام خومەینی نزیك بووە، بەشێویەك وەك كەسایەتییەكی چالاك لە دەوروبەری ئیمام سەیر دەكرا.

رەفسەنجانی دوای شۆڕشی كۆماری ئیسلامی ئێران توانیوێتی پلەی دكتۆرا لە زانستی سیاسی بەدەست بهێنێت.

رەفسنجانی، لە نێوان 1980 تا 1989 سەرۆكی ئەنجوومەنی شوورای كۆماری ئیسلامی ئێران بووە.

لە سەروبەندی كۆتایهاتنی شەڕی عێراق‌و ئێران لە 1988 لە لایەن ئیمام خومەینییەوە كرایە كاربەڕێكەری فەرماندەی هێزە چەكدارەكان.

لە ساڵی 2008 دوای كۆچی دوایی ئایەتوڵڵا مشكیی دەبێتە سەرۆكی ئەنجومەنی راوێژكاری ئێران.

ئەكبەر هاشمی زانای ئایینی‌و سیاسەتمەدار، سەرۆكی ئەنجومەنی دیاریكردنی بەرژەوەندییەكانی ئێران‌و سەرۆكی پیشووی ئەنجومەنی راوێژكاری‌و سەرۆكی ئەنجومەنی نوێنەرانی ئێران‌و چوارەمین سەرۆك كۆماری ئێران بووە لە دوو خول دا لەنێوان ساڵەكانی 1990 بۆ 1998 ئەویش بەناونیشانی یەكێك لە لایەندارترین كەسایەتییە سیاسیەكانی ئێران هەژمار كراوە.

ناوبراو دوای ئەو هەموو هەوڵ‌و تێكۆشانە سیاسییەی لە كۆتا پۆستی دا كە سەرۆكی ئەنجومەنی دیاریكردنی بەرژەوەندییەكانی ئێران هەیبوو دوێنێ یەكشەمە رەوانەی نەخۆشخانە كراو چەند كاتژمێرێك دوای ئەوە بەهۆی جەڵدەی دڵەوە گیانی لەدەست دا.

بەپێی زانیارییەكان تەرمی ناوبراو سبەی سێ شەممە بەخاك دەسپێدرێت و كۆماری ئیسلامی ئێرانیش بەو بۆنەیەوە سێ رۆژ پرسەی لە سەرتاسەری وڵات راگەیاند.

7 رۆژ پێش ئێستا
487 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved